DAVAO CITY – Gipakusgan sa Mati City Health Office sa probinsya sa Davao Oriental ang ilang kampanya batok Hand, Foot, and Mouth Diseases samtang ilang ginapaabot ang resulta sa 59 ka mga gituohang kaso sa syudad nga kasamtangan pang ginaeksamina sa kauluhan.
As of March 9, natala ang 5 ka mga kunpirmadong kaso sa HFMD sa dakbayan. Gikanayon ni Ben Tesiorna, Mati City Information Officer, naglusad na og information campaigns ang LGU ug gipapaigmat na sab ang mga barangay health centers lakip na ang barangay isolation units alang sa mga nataptan nga mga batan-on.
Tumong sa maong kampanya nga ipahibalo sa katawhan ang mga pamaagi aron mabatukan ang HFMD nga kasagarang mataptan niini ang mga kabatan-onan gikan sa mga tulunghaan ug mga pampublikong lugar.
Awhag sab sa publiko nga batasanon ang kanunayng paglimpyo sa kalawasan aron makunhuran ang impeksyong hatud sa maong balatian.
Pebrero ning tuiga dihang gikatala ang 888 ka mga kaso sa HFMD sa tibuok Davao Region diin natala sa Davao de Oro ang pinakadaghang kaso sa maong balatian.
via || Bombo LJF
