DAVAO CITY – Ginapaabot gihapon ni Davao City 1st District Councilor Tek Ocampo ang approval gikan sa National Economic and Development Authority kon NEDA alang sa ipatukod nga waste-to-energy kon WTE facility dinhi sa dakbayan.
Gikanayon sa konsehal nga kon maaprubahan kini, mutabang ang DENR aron pundohan ang maong proyekto nga mahimutang sa 10 ektaryas nga luna sa may Barangay Biao Eskwela, Tugbok District ning dakbayan.
Kasamtangang nasa implementation stage ang proyekto nga gilaumang makahatag og 10 hangtod 11 megawatts nga kuryente nga makuha gikan sa 600 metric tons nga basura.
Una nang gikaangal sa mga environment groups ang nahimong baruganan sa Japan International Cooperation Agency kon JICA mahitungod sa ilang pagsuporta sa ipatukod nga pasilidad apan gilimod sa JICA ang maong mga alegasyon og nagkanayon feasibility study lamang ang nahimong ambag sa maong proyekto.
via || Bombo LJF
