DAVAO CITY – Makasinati og water interuption ang pipila ka bahin sa Dakbayan sa Davao ugmang adlawa, Pebrero 28, 2023. Kini ang gianunsyo sa Davao City Water District (DCWD), nga makasinati og duha hangtud siyam ka oras nga walay tubig. Subay sa impormasyon sa buhatan, magsugod gikan ala-sais sa buntag hangtud alas-8 sa buntag nga walay tubig sa tanang giserbisyohan sa Binugao-Sirawan water supply system. Diin, lakip sa mga maapektohan ang tibuok Binugao ug Sirawan, ug pipila ka lugar sa Toril, partikular na sa Apla Village, Babisa Village, Bangoy Compound, Dacudao Tambakan, Davao Fish Port Complex, Doña Rosa Subd., Gutierrez Village, Inland Subd., Kalambuan sa Katawhan HOA, Kasama Village, Kristina Homes II, Lizada Beach, Samantha Homes, Sitio Tambakan, ug Villa Grande Heights Subd. Kini gumikan sa power interuption tungod sa pagbalhin og loads sa New Binugao Substation sa Davao Light Power Company nga maapektuhan niini ang Binugao Production Well 1. B . Gipasabot niini nga bisan kadali lamang ang power interruption, kinahanglan og tass nga oras aron subling makaoperate balik ang maapektuhan nga pasilidad, alang sa pressure build up ug Line delivery. Sa pikas bahin, makasinati usab og water interruption alang sa mga residente nga giserbisyohan sa Cabantian Water Supply system, nga magsugod gikan alas 8 sa buntag hangtud ala singko sa hapon, ugmang adlawa. Diin masinatian kini sa sa Communal , Cabantian , ug mga lugar sa Indangan. Kini gumikan sa pag-install sa power meter display ug pag-ayo sa wiring system alang sa paglambo sa Cabantian Production Well 1 ug Cistern o ang tanke sa tubig. Busa pahimangno sa buhatan ngadto sa mga apektadong lugar nga magpundo daan og tubig sa wala pa ang oras sa water interruption.
