DAVAO CITY – Kapin 70,000 ka mga pamilya sa Davao Region ang mamahimong benepisyaryo alang sa pagpanukad sa registration sa set 12 sa Pantawid Pamilyang Pilipino Program.
Sa maong ihap, 14,655 ang magagikan sa Davao City; 12,047 sa Davao de Oro; 14,020 sa Davao Oriental; 13,614 sa Davao del Norte; 8,980 sa Davao Occidental; ug 10,282 sa Davao del Sur.
Sumala ni Ricky Tijon, regional beneficiary data management officer sa DSWD 11, nagagikan ang maong ihap sa mga posibleng benepisyaryo sa gilusad nga third round sa Listahanan 3 sa milabayng tuig nga nahimutang sa mga yanong sektor sa katilingban.
Magaagi ang mga nahisgutan sa tulo ka ang-ang usa pa sila mamahimong eligible nga mga benepisyaryo.
Prayoridad nila ang mga pamilya nga dunay anak nga nag-iskwela sa elememtarya hangtud high school level.
Samtang gilauman karon ang aktibo nga pagsalmot sa kapin 280,000 ka mga benepisyaryo alang sa 4Ps karong tuiga.
Awhag karon sa buhatan nga muadto lamang sa mga barangay hall aron masigurong nahilakip ang mga pangalan sa mga benepisyaryo alang sa 4Ps.
via || Bombo LJF
