DAVAO CITY – Gibutyag sa Pag-Ibig Fund Davao Region nga anaa pa lamang sa P90 million ang ilahang natala nga members savings sa Modified Pag-Ibig 2 o MP2 Southern Mindanao gikan sa 17, 465 nga active members list sa MP2 savings program. Gumikan niana, giawhag ni Mahencio Lindayan Jr. Supervising Marketing Specialist, Pag-Ibig Matina Branch nga padayon gihapon ang ilahang buhatan sa pagpakaylap sa mga impormasyon mahitungod sa MP2 Program ug promotion niini aron mas daghan nga mag invest sa MP2 program. Ginawhag usab ni Mahencio nga dili pa miyembro sa Pag-ibig fund ilabina ngadto sa mga informal income groups nga ipa-miyembro alang makadawat sila sa mga benepisyo sa nga ginahatag sa Pag-Ibig. Usa ka special voluntary savings facility nga adunay 5 ka tuig nga maturity ang Pag-IBIG MP2 Savings Program diin gidesinyo alang sa mga aktibong miyembro sa Pag-IBIG Fund nga gustong makatigom ug mas taas nga dividend, dugang pa sa ilang Pag-IBIG Fund. -IBIG Regular nga Savings. Dugang pa niana, gikataho usab nga tax free ang mga dividend nga makuha sa mga miyembro nga ginakuha gikan usab sa 70% yearly net income sa Pag-IBIG Fund.
