DAVAO CITY – Nakakuha sa prestihiyosong Cavalier Awardee for Army Operations gikan sa Philippine Military Academy ang Deputy Commander sa Eastern Mindanao Command nga si Brigadier General Consolito Yecla tungod sa nahatag nga kontribusyon sa malampusong kampanya sa kasundaluhan batok insurhensiya sa Davao Region.
Personal nga gitunol ni Pangulong Ferdinand Marcos Jr. ang maong pasidungog atol sa nahitabong awarding ceremony sa Fort Gregorio del Pilar, Baguio City niadtong nakalabayng simana.
Si Yecla ang labing unang brigade commander nga nakadawat sa maong pasidungog.
Ilalom sa sa iyang liderato, natala sab ang zero violence lakip ang zero enemy sa 1003rd IB sa opisyal nga AFP-PNP Periodic Status Report sukad sa ikaduhang bahin sa tuig 2022.
Siya sab ang unang brigade commander nga nakasakmit og kadaugan batok CPP-NPA sumala sa gipalihok nga mando ni kanhi Pangulong Rodrigo Duterte.
Gawas sa iyang pagpangatundanan isip 1003rd IB brigade commander, siya sab ang nagmugna sa culture of security sa Davao City.
via || Bombo LJF
