DAVAO CITY – Usa ka bag-ong himugsong bata ang napalgang patay ug naglutaw na lamang sa usa ka kanal sa Purok 8, Barangay Poblacion, Hagonoy, Davao del Sur niadtong Miyerkules, bandang alas-4:24 sa hapon.
Sumala sa report sa Hagonoy Municipal Police, nag-report sa kapulisan ang usa ka nagpakabanang residente nga nakadiskubre sa patay nga bata.
Dihang girespondehan dayon sa mga otoridad.
Dali nga miresponde ang mga personahi sa MDRRMO ingon man ang Municipal Health Office sa lugar nga misulaypa sa pag-buhi sa masuso apan gideklaran na kining wala nay kinabuhi.
Nakig-alayon na ang kapulisan sa baranagy health center aron matino ug ingon mang masilutan ang inahan sa mitaliwang bata.
Samtang gilagak na sab ang patayng lawas sa bata sa usa ka punerarya sa Digos City.
via || Bombo LJF
