DAVAO CITY – Bisan pa man sa pag-ubos sa mga kaso sa COVID-19 dinhi sa Davao City, gikabalak-an gihapon ang pagsaka sa mga tawong dunay lifestyle diseases.
Gikananayon ni Dr. Marjorie Culas, officer in charge sa Davao City Health Office, namatikdn ang pagsaka sa mga kaso sa stroke, hypertension, Chronic Obstructive Pulmonary Diseases (COPD), asthma, Type 2 diabetes, obesity, ug heart disease.
Kana gumikan sa pagbaton ug dili maayong lifestyle sukad na nagpahinabo ang pandemya, sagad halos wala o dili makahigayon ug ehersyo maski pagkaon ug sakto.
Sumala sab sa mga espesyalista sa Southern Philippine Medical Center, usa sa mga pinakabatang pasyente nga nag-agi ug dialysis, anaa na sa 7 ngadto 8 anyos.
Awhag karon sa CHO ngadto sa mga Dabawenyo nga sugdan na ang pag-atiman sa kaugalingon ug sa ubang tawo pinaagi sa pagbaton ug hustong nutrisyon, pagpakonsulta, og pag-ehersisyo.
Sa pikas bahin, nakatala ang Davao City COVID19 Task Force og 67 ka kaso sa kagaw kaniadtong Enero 16 hangtud 22. Sa upat nga natalang patay kaniadtong simana, silang tanan wala nagpabakuna.
via || Bombo LJF
