DAVAO CITY – Maundang na ang mga text scams sa higayon nga epektibo na ang SIM Card Registration Law sa umaabot nga December 27 ning kasamtangang tuig.
Sumala pa ni NTC Davao Regional Director Nelson Cañete nga mawala na ang mga text scammers gumikan prepaid number nila ang ginagamit mao ang mga rason nga dili sila ma trace, apan ang balaod naghatag og mga exemptions kung kanus-a ma-access ang mga datos, diin una niini kung naay imbestigasyon nga nagapadayon, ikaduha, kung adunay mandato sa korte, ug ikatulo kung adunay pagtugot gikan mismo sa tag-iya.
Samtang, nagpahinumdom sab ang opisyal ngadto sa katawhan nga mag secure og duha ka VALID IDs isip rekisitos sa pag register sa higayon nga anaa na ang link, diin ihatag sa publiko ang link gikan sa telecommunication entities.
Ilawom sa SIM Registration Act kinahanglan nga mangayo og valid identification documents gikan sa sim card user aron nga ma activate ang ilang SIM card ug mapadayon ang ilahang listahan sa mga narehistro nga subscriber.
Mamahimong “absolutely confidential” ang tanang impormasyon gikan sa subscriber, gawas nalamang kung gisubpoena kini alang sa pagtabang sa usa ka imbestigasyon.
Gilayon sab nga mag-hatag ug update ang mga mga awtorisadong dealers ug ahente sa tibuok nasod ug mga verified list sa mga rehistradong number ngadto sa NTC.
via || Bombo KMG
