DAVAO CITY – Gihatagan og pinaskuhan ni kanhi Pangulong Rodrigo Duterte ang mga batang dunay cancer atol sa iyang pagbisita sa Southern Philippines Medical Center-Children Cancer Institute ug House of Hope niatong Martes sa gabii.
Dul-ang 20 ka mga bata sa House of Hope ug kapin 30 ka mga batang cancer patients sa SPMC-CCI ang gipamaskuhan ni kanhi Pangulong Digong isip kabahin sa iyang tinuig nga adbokasiya ug tradisyon.
Nagdonar sab si FPRRD ug P3 million alang sa House of Hope aron masuportahan ang pangadlaw-adlaw nga operasyon sa maong pasilidad.
Anaa sab sa maong gift-giving event si Senator Bong Go nga nagkanayong haduol sa kasing-kasing ni Digong ang mga batang nagbaton ug maong balatian.
Kahinumdumang gidonar ni FPRRD ang iyang balay sa Margarita Village, J.P. Laurel ning dakbayan isip gambalay alang sa mga batang cancer patients.
Samtang una pa man siya naghatag ug donasyon, gitugutan niyang ipagamit ang iyang three-bedroom house alang sa mga batang masakiton.
via || Bombo LJF
