DAVAO CITY – Dead on the spot ang usa ka babaye human mabangaan ug pampasaherong bus sa National Highway, Barangay Zone II, Santa Cruz, Davao Del Sur niadtong Dominggo sa hapon.
Giila sa Sta. Cruz Municipal Police ang biktimang si Anie Lyn Quilaton Mahinay, hamtung, lumulupyo sa New Victor, Barangay Zone II, Sta Cruz.
Subay sa imbestigasyon, kalit lamang mitabok sa Highway si Mahinay dihang nasugatan siya ug dayong nabangaan sa usa ka Mindanao Star Bus gikan Davao City ug paingong Digos City nga gimaneho ni Allan Pagsiat Tenizo, 46 anyos, taga-South Mawangan, Pigcawayan, North Cotabato.
Ilabihang naangol ang babaye ug nakahiagum ug bun-og sa lawas gumikan sa iyang pagkadisgrasya.
Gisulayan pa ug dala ang dinakpan sa balay tambalanan apan gideklara na siyang dead on arrival.
Gikustodiya na ang bus driver sa kapulisan ug gilaumang mag-atubang kini ug kaso.
via || Bombo LJF
