DAVAO CITY – Gilaumang mudagsang ang anaa sa kapin 40,000 ka mga benepisyaryo atol sa ipahigayong Pahalipay sa Taal nga usa ka tinuig nga gift-giving event sa Duterte family nga mubalik karong tuiga human sa duha ka tuig nga pagkahunong gumikan sa pandemya.
Sumala ni DCPO Director PCol. Alberto Lupaz atol sa send off ceremony kagahapon, nahilakip sila sa nagkadaghang pwersa sa mga augmentation groups nga ipatagana karong Disyembre 25, adlaw sa Pasko, sa ancestral house sa mga Duterte sa Taal Road, Central Park Subdivision, Bangkal, ning dakbayan.
Gawas niana, magpakatag sab ug mga security forces sa tibuok dakbayan atol sa face-to-face nga kasaluogan sa Pasko Fiesta 2022 nga magsugod ugma, Disyembre 1.
Kahinumduman una na gikanayon sa tigpamaba sa Davao City Police Office nga si Police Major Catherine Dela Rey, muabot sa 7,000 ka mga personahe ang ipakatag alang sa pag-saulog sa Pasko Fiesta diin 600 niini ang mga auxiliary nga ipakatag latas sa 41 ka mga simbahan dinhi sa syudad alang sa ipahigayon nga Simbang Gabi nga magsugod sa December 16, 2022.
via || Bombo LJ Florendo
