DAVAO CITY – Gitagana sa PHILHEALTH ang anaa sa 68 ka mga hospital sa Davao Region isip kabahin sa Konsultang Sulit at Tama kon Konsulta Package Program.
Subay sa datos as of September 22, dunay 28 accredited providers ang Davao del Sur ug Davao City, 14 sa Davao Oriental, 10 sa Davao del Norte, 7 sa Davao de Oro, ug 1 sa Davao Occidental.
Duna sab 5 gikan sa mga pribadong sektor nga anaa sa Davao City ug Davao del Norte.
Gikanayon sa opisyal sa buhatan nga si Johanna Blason, kinahanglang magdungag ug mga accredited centers diri sa rehiyon alang sa gilaumang gidaghanon sa mga myembro nga buot makapahimulos sa maong programa pag-abot sa bulan sa Enero.
Sa pikas bahin, nag-anunsyo ang PHILHEALTH ug pagsaka sa premium collection rate karung 2023 gikan sa 3 percent karung tuig.
Kabahin kana sa pagahimoong adjustments sa buhatan gikan 2020 ngadto 2025 aron pundohan ang mga serbisyong medikal ilawom sa Republic Act 11223 kon Universal Health Care Act.
Nagpabilin gihapon sa 3 percent ang premium rate sukad pa sa pagsugod sa pandemya niadtong 2020.
Human sa lima ka tuig, muusbaw na sa 5 percent ang premium rate sa ahensya.
via || Bombo LJ Florendo
