DAVAO CITY – Gipahunong na sa Davao City Public Safety and Security Command Center ang pagpahamtak ug multa ug tiket sa mga masakpang wala nag-sul ob sa ilang face mask.
Gikanayon ni PSSCC Head nga si Angel Sumagaysay, tungod kana sa giaprubahan ni Pangulong Bongbong Marcos na Executive Order No. 7 nga nagtugot sa optional nga pagsuot sa face mask sa tanang outdoor ug indoor areas.
Dugang pa ni Sumagaysay nga usa sa mga gihingusgan sa ilang panagpulong uban ang Davao City COVID19 Task Force nga dili na isyuhan ug tiket sa mga personahe sa PSSCC ang mga wala nag-face mask nga unang gipasibaw niadtong Pebrero ning tuig kasamtangan.
Gipaniguro sab ni Sumagaysay nga sundon sa panggamhanan ang maong kamanduan ni PBBM, apan awhagon gihapon nila ang katawhan sa pagsunod sa minimum public health standards ug ang pag-sul ob ug face mask sa mga pampublikong transportasyon ug healthcare facilities.
via || Bombo LJ Florendo
