DAVAO CITY – Gipanalipdan sa Department of Public Works and Highways 11 ang ilang nahimong baruganan mahitungod sa gisugdan nga alignment sa Samal Island – Davao City Connector Bridge.
Gikanayon sa tigpamaba sa DPWH 11 na si Dean Ortiz atol sa ekslusibong pakighinabi sa Bombo Radyo Davao, nga giuyonan sa DENR ang maong pagpanukad atol sab sa pagbaton niini ug Envirommental Compilance Certificate gikan sa ahensya.
Dugang pa ni Ortiz nga haum ang alignment sa maong tulay kon hisgotan ang ekonomikanhon nga natad taliwala pa man sa naunang gipagawas ng findings sa usa ka consulting agency niadtong tuig 2015.
Gipaklaro sab sa buhatan nga dili makadaot ang mamahimong epekto sa mga corals ug uban pang mga nilalang sa kadagatan ang pagahimoong drilling sa Limao tungod mubo sab ang kalidad sa yuta nga anaa sa maong bahin sigun sa nahimong pagtuon sa DENR.
Taliwala sa ginaduso sa environmental group nga mga posibleng kadaot nga hatud sa construction ngadto sa kinaiyahan, gipasalig sa DPWH 11 nga sakto ang nahimong basehan sa DENR busa diha lamang musalig ang buhatan alang sa ginasugdan nga proyekto.
Sa kasamtangan, nakipaghinabi na ang ahensya sa mga apektadong komunidad ug negosyo sa Samal Island alang sa mga pagpasabot mahitungod sa proyekto ug alang na sab sa pagpadayon sa gilaumang tulay.
via || Bombo LJ Florendo
