DAVAO CITY – Gikatala sa Philippine Statistics Authority – Davao nga anaa sa 3.9 million ka mga Dabawenyo ang nakarehistro na alang sa ilang PhilSys ID.
Apan pipila lamang niini ang mga nakadawat sa maong ID.
Nangayo ug pasaylo ang buhatan gumikan sa nagpahinabong delay sa pangapud-apud sa national ID.
Apan gikabutyag nila nga samtang naghulat sa physical copy, mamahimo ang uban sa pag-print sa digital copy sa ilang PhilSys ID pinaagi sa link nga trn-verifier.philsys.com.ph ug verify.philsys.com/QRscan.
I-type lamang ang 29-digit tracking number nga nahilakip sa verification slip.
Sa pikas bahin, nagpahibalo karon ang buhatan nga pwede magamit sa tanang mga transaksyon sa gobyerno ug pribadong establisyemento ang national ID.
Posibleng mag-atubang ug silot ang mga kumpanya nga wala magdawat sa gimugnang national ID isip proof of identity ilawom sa Republic Act 11055 kon Philippine Identification System Act.
Pagbutyag sa PhilSys, pipila ka mga bangko ang nagdumili sa pagdawat sa maong ID tungod sa wala pagbaton ug pirma.
Apan gikanayon ni Baby Jean Alid, Focal Person sa PSA Davao, gituyo kini aron dili makopya ang pirma sa tag-iya.
Mamahimo sab nga iberipika sa mga nahisgutan ang authentication sa ID pinaagi sa pag-scan sa QR code sa atubangan niini.
via || Bombo LJ Florendo
