DAVAO CITY – Gilauman nga maaprubahan sa ika-siyam nga konseho sa Sangguniang Panlungsod ang giduso karon nga ordinansa sa syudad sa Tagum City sa Davao del Norte nga nagbawal sa mga menor de edad nga mosulod sa mga hotels, logding houses, inns ug mga susamang establisyemento.
Ilawom sa ordinansa nga gibuhat ni City Councilor Ester Angoy, ginatugutan lamang ang usa ka menor de edad nga makasulod sa mga nahisgutang gambalay kon kauban niini ang ilang ginikanan kon guardian.
Pagasilutan ang mga masinupakung establisyemento ug multang P3,000 ngadto sa P5,000 ug posibleng mag-atubang ug revokation sa ilang business permit.
Dili sab makaikyas ang kakuyog niini nga pakyas sa pagpakita ug relasyon niini sa menor kon kabanay nila kini, ug posibleng pagamultahon ug P5,000.
Namatikdan ang nagkadaghang kaso sa mga tigulang nga nagadala ug menor de edad sulod sa mga nahisgutang gambalay nga magmugna ug mga kaso sa pagpangabuso sa mga menor de edad.
via || Bombo LJ Florendo
