DAVAO CITY – Gilusad na sa Davao Oriental ang ilang bag-ong kampanya sa pag awhag og mga turista nga mubisita sa ilang probinsya.
Gipangunahan mismo ni Davao Oriental Governor Corazon N. Malanyaon ang official ug historic launch sa bag-ong tourism tagline nga-Davao Oriental Beautiful. Kabahin ang bag-ong tagline sa massive tourism ug marketing campaign aron nga muawhag og daghanang turista nga mubisita sa Davao Oriental.
Sumala kang Davao Oriental Governor Corazon N. Malanyaon ang probinsya ang giilang Davao Region’s gateway to the Pacific. Gani subay matod pa sa lokasyon, makonsiderang ang probinsya sa Davao Oriental, usa ka premier ug world-class tourist destination ug investment haven. Busa angayan matod pa nga iplastar og maayo ang plano sa pagpakusog sa turismo.
Ning nakalabay’ng adlaw, giplantsa na ang plans and guidelines sa tourism-related businesses ug services ngadto sa mga turista alang sa sustainable tourism, nga nagresulta sa pagtukod sa Provincial Tourism Council pinaagi sa Governor’s executive order no. 24. Tumong sa council nga magmugna og sound policies and guidelines, aron maseguro ang paglambo sa turismo.
