DAVAO CITY- Gikatakdang magtukod og prisohan sa Davao Oriental, Davao Occidental ug Mati City aron makab-ot ang 0 congestion rate sa matag prisohan sa Region XI.
Sumala ni Capt. Edo Lobenia, tigpamaba sa BJMP Davao Region, nga gikatakda na nga sugdan ang prisohan sa mga nahisgutang lugar sunod tuig.
Sa pagkakaron, ginaplastar pa sa otoridad ang mga pasilidad ilabi na ang linya sa tubig ug kuryente aron nga mamahimong komportable ang mga Persons Deprived of Liberty kon PDL atol sa pagbalhin kanila.
Sa pikas bahin usab, ipatuman pa gihapon ang E-Dalaw alang sa mga paryente nga gustong mubisita o makita ilang kabanay nga anaa sa pasilidad apan anaa gihapon ginagmay nga nagabisita on-site apan minimal lamang kini aron nga malikayan ang pagpayuhot og illegal nga droga ngadto sa mga piniriso.
Sa katapusan, anaa sa 6,633 ang ihap sa mga PDL ilawom sa Davao Region ug 7% lamang ang ihap sa Law offending prisoners nga nakalapas batok sa RA 9165 Act of 2002.
