DAVAO CITY – Gihimakak sa usa ka Russian Citizen ang mga nikaylap nga balita sa social media ug uban pang western countries media nga matod pa dunay kaguliyang nga nahitabo sa Russia gumikan sa gipatumang military reservist enlistment.
Sa ekslusibong pakighinabi sa Bombo Radyo Davao kang Russian correspondent Sergey Romanov, gikabutyag niini nga pabiling hapsay ang ilang nasud gani bag-ohay lang nagmalampuson ang ilang nasud nga mapalingkawas matod pa ang pipila ka rehiyon sa utlanan sa Russia ug Ukraine.
Giklaro usab niini ang nikaylap nga taho sa social media hitungod sa military enlistment sa Russia nga matod pa e-destino sa gyera ang mga bag-ong recruite nga sundalo.
Aminado si Sergey nga nagpanic ang ubang Russian nga nakadawat og Military Enlistment invitation pero nahupay usab kini homan nga nangayo og despensa, si Russian Vladimir Putin dungan sa pagpasabot nga dili tanang maenlist idestino sa gyera kundi ibutang lamang sa border sa Ukraine ug Russia aron masegurong luwas ang mga Ruso.
Kahinumdumang ang anunsyo si Russian President Vladimir Putin og partial mobilization sa mga reservists, diin mukabat sa 300,000 ka lalaking Russian ang gipanginahanglan.
Sa pikas bahin, sa nagpadayong mobilization, libuan ka mga aplikante ang gipapauli homan nga nasuta nga dili fit ang mga nahisgutan sa military.
Duna usab report nga matod pa migasto sa mukabat $620 ang pipila ka lalaki aron makabaton og HIV diagnosis ug maka ikyas sa enlistment.
via || Bombo Mel Valledor
