DAVAO CITY – Gisugyot sa mga environmental groups diri sa Davao City ang pagdeklara sa mga kalasangan sa Mount Makabol-Alikoson sa Barangay Salaysay, Marilog isip critical habitat.
Kana human masuta sa mga serye sa pagpanuki-duki sa mga experto ang nahimugsong six-month nga bag-ong Philippine eagle duol sa Mt. Makabol.
Sa susamang pagsusi sab nga gibuhat sa University of the Philippines Mindanao, nakatala sab ug syentos dyise nuewbe ka mga species nga diri lang makit-an sa Pilipinas, ug gikatalang critically endangered species sab ang pipila sa maong ihap.
Gikanayon ni Dr. Jayson Ibañez, Research and Conservation Director sa Philippine Eagle Foundation, pormal nilang ipasa ang maong proposal ngadto sa DENR 11 ug Watershed Management Council aron madeklara ang sais mil ektaryas nga nahisgutang kalasangan isip Critical Habitat aron hingpit nga maprotektahan sab ang mga kahayupan nga nahimuyo sa lugar.
Nanghinaot ang mga environmentalists nga uyunan kini sa lokal nga panggamhanan sa Davao City subay sa Republic Act 9147 kon Philippine Wildlife Act.
via || Bombo LJ Florendo
