DAVAO CITY- Nagpadayon ang pagpahigayon sa Department of Social Welfare and Development Field Office XI pinaagi sa Pantawid Pamilyang Pilipino Program og region-wide validation sa mga identified non-poor households base sa pinakabag-o nga resulta sa ikatulo nga “Listahanan” nationwide assessment o Listahanan 3.
Nasayran nga sa rehiyon unse, anaa sa 75,631 ang gikonsiderang non-poor households diin kinahanglan kining ipailalom sa validation.
Pinaagi sa guidance memorandum nga subay sa mando ni DSWD Secretary Erwin T. Tulfo, gipang-deploy ang mga trabahante sa 4Ps Onse sugod niadtong Agosto 17 hangtud sa Setyembre 28 ning tuiga aron personal nga mabisita ang tanang gipang-identify nga mga panimalay.
Tumong niini nga masayran kung ang nahisgutan nga mga households ang eligible beneficiaries gayud ilalom sa Pantawid Pamilya.
Gi-evaluate sa mga social workers ang mga benepisyaryo subay sa ilang source of income, trabaho, kahanas, ug access sa ubang resources sama sa luwas nga mainom nga tubig, sanitary facilities, housing, ug uban pang social services.
