DAVAO CITY – Nagkaubos ang ihap sa mga krimeng nahitabo diri sa rehiyon onse.
Sumala pa sa datos nga gipagawas sa Police Regional Office XI, nakatala ang kapulisan ug 951 ka mga krimen gikan Enero hangtod Setyembre 3 ning tuiga.
Anaa sa 2.11% ang kinatibuk-ang crime rate index sa rehiyon nga naglangkub sa mga kaso sa pagpanglugos ug pagpangawat, homicide, physical injury, ug murder.
Samtang anaa sa 44.8% ang natalang non-index crime rate diin ilawom niini ang gilangkuban sa mga kaso sa illegal drugs, law implementation ug ug uban pang special laws.
Nagaubos sab ang mga krimen sa miaging bulan nga sumala pa sa ilang sinemanang datos, 29 ang natala sa ikatulong simana ug 25 ka mga krimen ang nahitabo sa ulahing simana sa bulan sa Agosto.
Gikanayon sa PRO 11 nga kana nahimong posible tungod sa tiunay nga pakigtambayayong sa katawhan ngadto sa mga kapulisan aron mapanalipdan ang katungod sa tawo ug makigbatok sab kontra krimen diri sa rehiyon.
Gilauman pa ang takos nga serbisyo ug hugot nga pagpatuman sa mga balaod aron magpadayon ang pagsalig sa katawhan ngadto sa atong kapulisan.
VIA || Bombo LJ Florendo
