DAVAO CITY – Nakahimo sa pagpang-apud-apod ang Department of Social Welfare and Development XI og P10,387,000 nga educational assistance ilalom sa AICS program niadtong nakalabay nga Setyembre 9 ug 10 ning kasamtang tuig.
Subay kini sa datos nga gipagawas sa ahensya as of September 10, 2022. Kahinumduman nga mao na kini ang ika-upat nga Sabado alang sa payout sa maong programa. Sa nahisgutang kantidad, muabot sa 4,668 ka mga benepisyrayo ang nakadawat sa maong ayuda diin gilangkuban kini sa 553 ka mga benepisyaryo gikan sa Davao de Oro, 615 sa Davao del Sur, 803 sa Davao Oriental, 941 sa Davao del Norte ug 1,756 ka mga benepisyaryo sab alang sa dakbayan sa Davao.
Sa pikas bahin, gihunong na sa Department of Social Welfare and Development (DSWD) ang pagdawat og aplikasyon online alang sa ilang educational assistance program nga alang sa mga kabus nga mga estudyante. Kini sumala kang DSWD Secretary Erwin Tulfo gumikan aduna nay kapin 2 million ka mga indigent students ang nakarehistro online alang sa ilang educational assistance program.
