DAVAO CITY – Gipasidunggan ang Davao City Library and Information Center isip Most Innovative Public Library sa National Library of the Philippines ug The Asia Foundation.
Giila sa nasudnong librarya ang pagpadayon sa mga serbisyo taliwala sa mga hagit sa nagpahinabong pandemya.
Pinaagi sa mga malungtarong programa sama sa paghatag ug pampublikong access sa mga information sites, online storytelling, ug mobile library nga mubisita sa mga lagyong dapit sa dakbayan aron mahatagan o makahulam ug balasahon ang mga kabataan nga magamit alang sa ilang pag-tuon.
Mainiton ug mapasalamatong gidawat ni Salome Enoc, officer in charge sa City Library sa Maynila diin gipahigayon ang awarding ceremony sa miaging simana.
Laraw karon sa DCILC nga palapdan pa ang operasyon sa moving library alang sa mga tinun-an pinaagi sa pakipag-alayon sa City Social Welfare and Development Office ug DepEd Davao City Division.
Mamahimo pud gihapon nga bisitahon ang bag-uhay lamang naablihang City Library alang sa tanang lokal ug langyaw.
via || Bombo LJ Florendo
