DAVAO CITY – Nagtigi kagahapong adlawa ang mga grupo alang sa Sayaw Kadayawan sa Bantawan Ampitheatre sa Magsaysay Park dinhi sa Dakbayan sa Dabaw, Huwebes Agosto 19 ning kasamtangang tuig alang sa pag saulog sa ika 37 nga Kadayawan sa Dabaw diin giila ang mananaog sa managlahing katergorya.
Alang sa open category, nahimong kampyeon ang Madayaw Cultural Ensemble, gisundan kini sa 2nd placer nga Agro Industrial College Dance Troupe ug 3rd place ang Ilathala Performing Artists.
Sa Children Category, nahimong kampyeon ang Lapu-lapu Elementary School, nga gisundan sa 2nd place ang Rojas Elementary School gikan sa Cotabato City ug 3rd place sab ang Magallanes Elementary School.
Ang Sayaw Kadayawan usa ka pagsaulog sa kultura nga gapadayag sa tradisyunal nga mga sayaw ug mga sugilanon sa matag tribu.
