DAVAO CITY – Gideklara sa Malacanang Palace nga Special Non-Working Holiday sa Davao City ang Agosto 19, 2022 tungod sa ika-37th selebrasyon sa Kadayawan Festival sa dakbayan sa Davao.
Ang maong kapistahan nga gipagawas sa Palasyo, gi-mandoan subay sa Proclamation No. 39 ug gipirmahan ni Executive Secretary Victor Rodriguez gikan sa pagtugot ni Presidente Bongbong Marcos.
Kahinomdoman nga opisyal nang gi-ablihan ang pagpasundayag sa selebrasyon kaniadtong Agosto 15 pinaagi sa Misa Pasasalamat ug Pag-abli Kadayawan sa Bantawan Ampitheater, Magsaysay Park nga gipangoluhan ni Mayor Sebastian Duterte, City Officials, ug mga deputy leaders gikan sa nagkalain-laing mga tribo sa lungsod.
Magtapos ang Kadayawan Festival sa Agosto 21 pinaagi sa Pamulak sa Kadayawan, Indak-Indak sa Kadayawan, Agong Kulintang sa Kadayawan ug Tambayayong sa Kadayawan.
VIA || Bombo David Francisquete
