DAVAO CITY – Nagpahigayon karon og paglahugay ang Davao City Police Office diin tulo ka mga police stations ug usa ka unit sa DCPO ang apektado lakip na niini ang Sta. Ana Police Station 1.
Gipahigayon kagahapon ang Turn over of Office Ceremony diin mubalik ug hulipan ni PLt. Col. Ronald Lao si Police Major Jake Goles nga ibalhin usab sa Sasa Police Station 4 puli usab kang Police Major Jose Rodrigo Mendoza. Gibutang usab si Police Major Mark Balbuena sa Mobile Patrol Unit hulip kang PLt. Col. Ronald Lao.
Samtang si Police Major Benkalin Baluan kinsa station commander sa San Pedro Police Station gihulipan usab ug gibutang una sa Tactical Operation Center (TOC).
Busa ning kasamtangan, si Police Major Romeo Mapanao nga gikan sa Baliok Police Station ang bag-ong Hepe sa San Pedro PNP. Si Police Major Nelson Violan ang gipuli ug gibutang isip bag-ong station commander sa Baliok Police Station.
BY BOMBO ALLIANE SILAO
