DAVAO CITY – Muabot sa 640 ka mga housing units sa Madayaw Residences ang naturn-over na ngadto sa mga beneficiaries niini.
Ang nahisgutang programa ang ilalom sa National Housing Authority.
Niadtong adlaw nga Huwebes, pormal nang gi-award sa 640 ka mga empleyado sa gobyerno ang ilang mga units diin mismo si Pangulong Rodrigo Duterte ang nanguna sa turn-over ceremony.
Gikanayon ni NHA General manager Marcelino Escalada, sa 640 ka mga housing units/beneficiaries, 35% niini ang alang sa mga miyembro sa PNP, 35% usab sa AFP ug 20% sa mga government employees ug 10% alang sa mga miyembro sa BJMP.
Ang nahisgutang mga units ang adunay duha ka mga model nga gilangkuban sa 42 square meters samtang ang usa 36 square meters.
Dugang pa ni Escalada nga sa Davao Region, kini ang pinaka-unang nakumpleto nga proyekto diin aduna pay pipila ang ongoing sama sa Xavier Heights sa Catalunan Grande, Blue Farm sa Biao Escuela, Marisca sa Samal Island ug sa Dahican sa Mati City, Davao Oriental.
Mokabat lamang sa 5 mil ka pesos ang matag bulan nga bayad sa maong housing unit alang sa unang lima ka tuig.
Via || Angie Chagas
