DAVAO CITY – Mihatag ug katin-awan ang Department of Education Davao Region (DepEd-eleven) nga dili mandato sa tanan nga mga tulonghaan ang ilang panawagan nga magpatuman ug face-to-face (F2F) classes alang sa school year 2022-2023.
Sumala pa kang Jeneilito Atillo, DepEd-Davao spokesperson, nga subay sa kamandoan sa ahensiya kinahanglan nga mutamud pa gihapon sa mga regulasyon ug mga palisiya ang tulonghaan ilalom sa face-to-face classes.
Magdepende usab sa lokasyon sa lugar ang pagpatuman ug face-to-face classes ug kinahanglan nga i-comply sa tulonghaan ang mga gikinahanglan nga requirements kung buot niini mupahigayon ug face-to-face classes sa ilahang mga estudyante.
Samtang dugang gipahayag sa nahisgutang opisyal, nga gikan sa 2,698 schools sa Davao Region, anaa sa 1620 ang nakighiusa sa limited face-to-face classes o 60.04 percent; 1,589 o 72.23 percent out sa 2,200 ang gikan sa public schools ug 31 gikan sa private schools o 6.22 percent gikan sa 498.
Samtang nagpadayon karon ang ahensiya sa ginatanyag nga alternative learning modality, online, radio, ug TV alang sa musunod nga school year.
