Gipanghimakak sa legal counsel ni kanhi House Speaker Ferdinand Martin G. Romualdez nga adunay igo nga basehan ang Ombudsman aron kasuhan kini may kalabotan sa kontrobersiya sa flood control projects.
Sumala kang Atty. Ade Fajardo, 32 ka kanhi testigo, lakip ang giingong star witness nga si Orly Guteza, ang miatras na sa ilang mga alegasyon batok kang Romualdez
Gipatin-aw ni Fajardo nga ang maong mga testigo pawang kanhi mga tauhan ni kanhi Ako Bicol party-list Rep. Zaldy Co, nga nag-atubang usab og kaso may kalabotan sa giingong flood control scam.
Dugang pa niini, giingon ni Fajardo nga walay direktang testigo nga mitudlo kang Romualdez nga nalambigit sa giingong paghatod sa kickback o maleta nga adunay kwarta.
Tungod niini, gihangyo ni Fajardo ang Ombudsman nga ibasura ang reklamo batok sa kanhing House Speaker.
Samtang, bahin sa giingong 28 ka bag-ong testigo nga giingon sa Ombudsman nga mopadayon sa kaso batok kang Romualdez, wala pa masayod ang iyang kampo kung kinsa kini.
