DAVAO CITY – Nagpahayag sa iyang dakung pagpasalamat si Pangulong Rodrigo Duterte sa mga dabawenyo sa suporta nga gihatag kaniya dungan sa gikatakda niya nga pagnaug sa katungdanan sa musunod nga bulan.
Kahinumduman nga nanagtapok ang mga supporters sa Pangulo dungan sa pagboto niini kagahapong adlawa sa Daniel R. Aguinaldo National High School (DRANHS).
Hinuon nahimong hugot ang gipatuman nga seguridad sa nahisgutan nga tulonghaan kini human nga anaa sa 11 ka mga miyembro sa media ang nagpositibo sa covid-19 sa antigen test.
Samtang subli sab nga gipagamit sa pamunoan sa DRANHS kang Pangulong Duterte ang historical chair nga iyang gigamit kaniadtong miboto siya sa 2016 elections ug iya sab kini nga gilagdaan ayha mihawa.
Sa iyang pagpamulong, mapasalamaton si Pangulong Duterte gumikan kay kalakip ang mga dabawenyos sa iyang mga nahimong journey paingon sa malacanang.
