DAVAO CITY – Gikanayon sa Department of Agriculture (DA)-Davao nga tutukan nila ang pagpromotar sa high-value crops sa Davao region nga makatabang arun nga maka-recover sa agricultural sector.
Bisan sumala pa nga hinay ang pagsaka sa agricultural sector sa Davao Region, gikanayon ni DA Secretary Dr. William Dar nga ang dakbayan usa ka major agri-business center sa nasud ug adunay potensiyal nga mamahimong pa nga major agricultural player sa nasud sa umaabot nga panahon.
Sumala pa kang DA-Davao Executive Director Abel Monteagudo, ilado ang Davao Region sa high-value crops, sama sa cavendish bananas, cacao, ug coffee kaysa sa humay ug uban pa nga commodities.
Mayorya sab sumala pa sa supply sa nasod ang gikan dinhi sa rehiyon.
Ilado na sab sumala pa ang Davao sa pag-produce ug 80 percent sa cacao supply sa nasud.
Kahinumduman ning b ag-ohay lamang, idelara isip cacao capital, ang Davao Region top two producer ug coffee sunod sa Soccsksargen ug top exporter sa cavendish bananas.
Gitataw ug Monteagudo nga ang pagtutok sa agricultural strength sa rehiyon makatabbang arun nga mamahimong fully recover ang agricultural sector sa rehiyon.
Gitutukan sab karun sa DA-Davao ang pagsulbad sa isyu nga gi-atubang high-value crops sector partikular na ang suliran sa fertilizer ug disease sa mga pananom.
Tungod niini, gikatakda sa DA nga muhatag ug financial assistance sa agri sector sama sa Rice Farmers Financial Assistance diin ang matag mag-uuma diin kadtong adunay duruha ka ektarya o ubos pa ang makadawat ug ayuda nga P5,000.
