DAVAO CITY – Ubay-ubay ka mga job seekers ang nahatagan ug trabaho atol sa gipahigayon nga Department of Labor and Employment-organized job fair sa Buhangin ning dakbayan sa milabay nga adlaw.
Sumala pa sa Department of Labor and Employment in Davao Region (DOLE-11) nga nakatala sila ug anaa sa 1,000 ka mga kwalipikado nga aplikante ug 27 niini ang hired on the spot atol sa 2022 Labor Day Trabaho, Negosyo, Kabuhayan (TNK) Job and Business Fair.
Samtang gikanayon sab sab DOLE-11 nga anaa sa 296 ka mga aplikante ang gi-rekomenda sa musunod nga interviews.
Ang nahisgutan nga datus gikan sa duruha ka sites nga gilangkuban sa NCCC Mall Buhangin district ug sa NCCC Mall Tagum City sa Davao del Norte.
Ang s2022 TNK gisalmutan sa 69 local employers ug siyam ka mga overseas diin usa kini ka hybrid gumikan kay nagpahigayon na kini ug preregistration, screening, ug job matching stages online sukad kaniadtong Abril 25 hangtud 29 arun nga paspas ang transactions on-site.
Una ng gibutyag ni DOLE-11 Director Randolf Pensoy nga highlight sa maong aktibidad nga matabangan ang labor market nga maka-recover nga grabeng naapektohan sa global health crisis.
