DAVAO CITY – Nagpadayag ang usa ka grupo sa ilang madismaya gumikan sa hinay nga turnout sa 55 local candidates atol sa gipahigayon nga survey kalabot sa ilang lebel sa barunganan sa kinaiyahan.
Sumala pa kang Mark Penalver, Interfacing Development Interventions for Sustainability (IDIS) executive director nga kinahanglan hatagan ug solusyon ang mga nag-unang suliran sa dakbayan sama na lamang sa mga basura sa watershed areas, deforestation sa mga bukiron nga bahin sa dakbayan, pakigbatok alang sa dugang nga green spaces ug wetlands protection.
Nasayran kang Penalver nga sa gipahigayon nga IDIS’ Green Vote survey, gikanayong 20 percent feedback gikan sa 55 ka mga kandidato nga ilang giimbitahan nga mupartisipar.
Gikanayong 11 sa 55 ka mga kandidato sa lokal nga kagamhanan ang mitubag apan kadaghanan niini ang walay mga plano ug programa nga alang sa kinaiyahan.
Una ng gilusad ang Green Vote survey sa milabay nga bulan sa Pebrero arun nga i-highlight sa mga kandidato ang ilang plataporma sa kinaiyahan, pagdumala sa ilang panlantaw ug desisyon kalabot sa mga nagkadaiyang isyu sa kinaiyahan dinhi sa dakbayan.
Gitataw sab sa IDIS nga gipahigayon niloa ang local environmental issues sama sa pagputol sa mga karaan na nga mga punoan sa kahoy ug pagdeklara sa conservation zones sama sa Mt. Makabol-Alikoson ug Kalatong ingon man ang isyu sa nagkataas nga hugaw sa polusyon sa sanitary landfill.
