DAVAO CITY – Gipahinumdoman karon sa Department of Labor and Employment in Davao Region (DOLE -11) ang mga politiko nga likayan ang pag-adto sa mga lugar diin adunay ipahigayon nga Labor Day job ug business fairs.
Gihimo ni DOLE-11 Director Randolf Pensoy ang nahisgutan nga pahimangno ngadto sa mga local ug national candidates sa May 9 elections, diin kinahanglan nga dili mapagan ang mga nag-organisa ug job fairs sa bisan unsa man nga electioneering ug partisan political activity.
Gipasabot ni Pensoy nga dili imbitado ang mga politiko sa susama nga mga kalihokan.
Angayan lamang nga sumala pa nga nakatutok ang mga civil servants sa gitahas nila nga trabaho ingon man functions ug dili maglabot-labot sa politika.
Ilalom sa Commission on Elections (Comelec) ug CSC Joint Circular No. 001, ang electioneering ug partisan political activity makonsidera kung maglabot-labot ang usa ka empleyado sa gobyerno sa mga aktibidad sa kandidato sa ilang gisuportahan.
Mamahimong manubag sa balaud ang si bisan man nga government employee nga musupak sa nahisgutan nga kamandoan.
