DAVAO CITY – Plano sumala pa sa Republic of Korea nga momugna ug business network sa Mindanao arun nga dad-on ang big-ticket investments sa rehiyon.
Kini ang gibutyag sa Mindanao Development Authority (MinDA).
Sumala pa kang Deputy Executive Director Assistant Secretary Romeo Montenegro nga mututok ang business network sa partnerships tali sa private sectors ug Korea ingon man sa Mindanao.
Gikanayong ang Korean delegates, ilabi na si Ambassador Kim In-Chul, Korean government organizations, ug private sector companies ang magpahigayon ug official business visit sa siyudad karung Abril 26 arun nga mo-assess sa posible nga areas of investment opportunities dinhi sa Mindanao.
Pipila sa mga industriya nga plano alang sa big investments ang gilangkuban sa infrastructure, telecommunications, connectivity, energy, ug agri-business.
Gikanayong ang Davao City ug Panabo City mao ang mga areas alang sa inisyal nga pagtukod sa proyekto.
Gitataw ni Montenegro nga kung ang partnership mamugna, mo-abli kini ug daghanang trabaho alang sa mga Dabawenyos ug Mindanawons, ug palapdan pa ang kasamtangan partnership projects sa Mindanao tali sa gobyerno ug Korea such sama sa Korea-Philippines Vocational Training Center, Laguindingan Airport, ug Panguil Bay Bridge.
Gawas niini, gipanday sab karun ang budding partnership diin paga-ablihan sab ang “people-to-people mobility” ilabi na sa tourism sector nga makapa-awhag pa ug daghanang Korean tourists.
