DAVAO CITY – Padayon sumala pa karun nga nakiglambigit ang ahensiya sa Department of Agriculture (DA) sa lokal nga kagamhanan sa Magsaysay Davao del Sur arun nga mamonitor ang mga critical sites nga posibleng maapektohan sab sa Avian o bird flu.
Gitutukan sab sumala pa nila ang seashores ug priorities sites alang sa surveillance. Kahinumduman nga una ng gihatagan ug katin-awan sa regional office sa DA nga ang gika-report nga kaso sa avian influenza o bird flu ang wala nanukad sa Davao Region inay gikan sa kasikbit nga rehiyon.
Gikanayon ni Dr. Armie Capuyan, ASF and Avian Flu Focal Person sa DA 11, nagpatuman na sila ug border control ug gani una na nila nga nababagan ang mga nagdala ug langgam ug pato hinungdan nga ila kining gi-hold ug gipailalom sa quarantine dayon gikuhaan ug samples hangtud nga migula nga nagpositibo kini sa avian inluenza (H5N1).
Gipahigayon sab dayon ang depopulation alang sa disease control measures and surveillance sulod sa one-kilometer radius sa apektado nga area.
Una na sab nga nasayran kang Capuyan nga miuli sumala pa ang usa ka mag-uuma sa iyang pinuy-anan sa President Quirino, Sultan Kudarat ug sa pagbalik niya sa Magsasay Davao del Sur, dala na niini ang pato nga positibo sa bird flu.
Kahinumduman nga daghanang mga naninda karon ug manok ang mibati ug kabalaka human nga mihinay ang ilang tinda tungod sa kaso sa bird flu.
