DAVAO CITY – Nanawagan karun ang environmentalist group nga Interfacing Development Interventions for Sustainability (IDIS) ngadto sa lokal nga kagamhanan partikular na sa Davao City Environment and Natural Resources Office (CENRO) nga sugdan na ang pag-craft sa Implementing Rules and Regulations (IRR) alang sa ordinansa nga nag-ban sa paggamit ug single-use plastics dinhi sa dakbayan.
Una ng gibutyag ni Amelou Catague-Ferrer, policy advocate officer sa IDIS nga sa milabay nga tuig pa gilagdaan ni Mayor Inday Sara-Duterte Carpio ang nahisgutan nga ordinansa nga adunay titulo nga “No to Single-Use Plastics Ordinance of 2021,” diin tumong niini ang pag-regulate sa pagpamaligya, distribution, ingon man paggamit ug single-use plastics sa dakbayan.
Apan hangtud karun wala pa gihapon kini napatuman hinungdan nga wala sumala pay ngipon ang maong ordinansa.
Pipila sa mga probisyon sa nahisgutan nga ordinansa ang mga single-use plastics sama sa drinking cups, ice cream cups, condiments o gravy containers, cup lids, stirrers, cutleries, straws, ug daghanan pa diin dili na kini tugtan nga ibaligya o idistribute nga libre nga walau special permit to distribute and/or use single-use plastic products.
Gitataw ni Ferrer nga dugay na sila nga nakiglambigit sa CENRO alang sa pag-craft sa IRR sa ordinansa kini human namatikdan nga sukad nagsugod ang pandemic, nagkadaghan ang migamit ug single-use plastic wastes nga sagad napa-ingon sa mga kasapaan.
