DAVAO CITY – Arun nga mapalapdan pa ang gipahigayon nga vaccination drive sa tabang sa uban nga sektor, hingpit na nga gisugdan kagahapong adlawa ang Bakunahan sa Botika dinhi sa Davao region diin gipahigayon kini sa usa ka pharmacy sa SM Mall sa Ecoland ning dakbayan.
Mamahimo sumala pa nga muadto kadtong wala pa nakapa-booster matag adlaw nga Martes, Miyerkules ug Huwebes, sugod 10 sa buntag hangtud na alas tres sa hapon.
Gikanayong ang pinakaunang Resbakuna sa Botika dinhi sa dakbayan ang alang sa 18 hangtud 59 years old nga walay comorbidities.
Mapasalamaton si Dr Rachel Joy Pasion, hepe sa Regional Epidemiology and Surveillance Unit sa Department of Health Davao, gumikan kay wala kini nagduha-duha nga mutubag sa panawagan sa gobyerno nga makighiusa sa vaccination program batok Covid-19.
Gikanayong ang mga bakuna nga available alang sa booster doses ang gilangkuban sa Sinovac ug Pfizer Covid-19 vaccine.
Samtang nangandam sab karon ang uban pa nga mga botika sa Watsons sa tibuok Davao region gumikan kay plano sab nila nga ipatuman kini sa uban nga mga branch.
