DAVAO CITY – Laraw karon sa lokal nga kagamhanan pinaagi sa buhatan ni Davao City Vice Mayor Sebastian Duterte nga amyendahan ang Anti-Discrimination Ordinance kini arun nga mahatagan sumala pa ug dalan ang pagbag-o sa kinabuhi sa mga kanhi sakop sa New People’s Army (NPA) nga mibalik karon sa sabakan sa kagamhanan.
Tipik lamang ang pahayag sa bise alkalde dungan sa pagtambong sa usa ka seremonya kauban ang 78 ka mga miyembro sa Sub-Regional Committee 5 sa NPA nga naglihok sa bukiron nga bahin sa Davao City ug mga kasikbit nga lugar.
Makiglambigi sumala pa kini sa konseho ning siyudad alang sa maong ordinansa diin kinahanglan nga dili ma-discriminate ang mga kanhi anaa sulod sa armadong kalihokan nga buot na nga magbaton ug bag-ong kinabuhi.
Laraw lamang karun sa lokal nga kagamhanan nga dili masaway ang mga kanhi rebelde ug magbaton ang mga nahisgutan ug trabaho nga makatabang ngadto kanila.
Magpadayon sab sumala pa ang paghatag ug tabang sa lokal nga kagamhanan hangtud nga makabangon ang mga nahisgutan sa ilang bag-ong kinabuhi.
