DAVAO CITY – Dungan sa pagsugod karong adlawa sa local campaign period sa lokal nga mga kandidato, nangandam na sab karon ang mga sakop sa kapulisan sa Davao region arun nga bantayan ang mga dapit nga init ang panag-atbang sa mga pulitiko.
Kahinumduman nga bisan hapsay ang siyudad matag panahon sa eleksiyon kinahanglan pa gihapon nga magpatuman ang kapulisan ug hugtanon nga seguridad aron masiguro ang panahon sa pagpangampanya.
Una ng nasayran sa Police Regional Office (PRO)-11 nga adunay mga lugar sa Davao region nga kalakip karon sa Election Watchlist Areas (EWAs) diin sa Davao del Sur, gilangkuban kini sa Sta. Cruz, Magsaysay, Malalag, Hagonoy ug Padada samtang Davao de Oro gibantayan sa otoridad ang Monkayo.
Hugtanon sab nga seguridad ang ipatuman sa New Corella Davao del Norte.
Samtang ang mga lugar sa Davao region nga kalakip sa Election Areas of immediate concern ang gilangkuban sa Kiblawan sa Davao del Sur, mga lugar sa Davao de Oro nga gilangkuban sa Maco, Mabini, Maragusan, Montevista, New Bataan, ug Pantukan.
Samtang sa Davao Oriental gitutukan karon ang lugar sa Lupon.
Kahinumduman nga una ng gibutyag sa otoridad nga aduna pa gihapoy mga lugar sa Davao region nga bantayan gumikan kay adunay presensiya sa mga armadong grupo.
