DAVAO CITY – Dugang palas-anon na sab ang masinatian sa mga pasahero sa eroplano kini human nga sugod kagahapong adlawa, gisugdan na sa kompanyang Philippine Airlines (PAL) ang pagpahamtang ug fuel surcharge kini tungod pa gihapon sa pagsaka sa presyo sa lana ug uban pang commodities hatud sa kagubot tali sa Russia ug Ukraine.
Una ng gibutyag ni Phoebe Ardon, account executive sa PAL, nga adunay mga panahon nga tangtangon nila ang fuel surcharge ilabi na kung maayo ang presyo sa gasolina.
Ginapatuman ang fuel surcharge per one-way flight ug varies per route.
Sa mga mubiyahe paingon Manila ug Cebu, adunay P270 ug P150 surcharge.
Nagpabilin sumala pa nga ubos ang pamasahe sa nahisgutan nga airline company apan ang fuel surcharge ang musaka hinungdan nga nagpasabot kini nga ang mga pasahero mubayad ug mas taas alang sa pinal nga presyo sa ilang plane tickets.
Una na matud pa nga gipatuman sa PAL ang surcharges sayo ning tuig 2022, apan tungod sa pagsaka sa presyo sa lana ug uban pang produkto, dili gayud kalikayan nga magpatuman ug lain pa nga fuel surcharge.
