DAVAO CITY – Dili pa gihapon makatoo si Bernadine Tan, usa ka dabawenya nga nahimong topnotcher sa 2022 Dentistry Licensure Exam nga gipagawas karung bulan lamang sa Marso.
Sumala pa sa nahisgutan usa ka lisud nga hagit nga mupailalom sa eksaminasyon atol mismo panahon sa pandemiya.
Usa sa mga dakung hagit nga iyang gi-atubang ang makapangita ug maayo nga venue arun nga maka-review ang mga estudyante alang sa ilang practical exams.
Nagpadayag sab siya ug dakung pasalamat gumikan kay wala siya gipasagdan sa Davao Medical School Foundation (DMSF) diin siya migradwar arun lamang ma-assist kauban ang uban nga mga estudyante nga mipailalom usab sa eksaminasyon.
Dili sab siya makatoo nga siya ang nag-una gikan sa tanan nga mga examinees dihang gipagawas na ang resulta.
Gihimo sumala pa niya ang tanan alang sa iyang mga ginikanan nga nagsilbi niya nga motivation ug motutok pag-ayo sa iyang gipahigayon nga review.
Nasayran nga bugtong si Bernadine lamang nga dabawenyo ang nakasulod sa Top 10 uban ang rating nga 83.60 percent apan anaa sa ikapito ang DMSF placed isip top-performing school uban ang rating nga 80.65 percent diin gikan sa 25 gikan sa 31 examinees ang nakapasar sa nahisgutan nahisgutan nga eksaminasyon.
