DAVAO CITY – Gi-andam na ang kaso batok sa usa ka 24 anyos nga drug suspek diin nakuhaan kini ug kantidad sa P1.5 nga kantidad sa illegal nga druga atol sa gipahigayon nga operasyon sa Pag-asa Street, S.I.R. Phase 2, Barangay 76-A, ning dakbayan sa Davao.
Una ng gibutyag sa Philippine Drug Enforcement Agency (PDEA) 11 nga gilusad nila ang operasyon kaabag ang mga personahe sa National Bureau of Investigation (NBI) Madapo Hills Bankerohan ning siyudad hinungdan nga malampuson nga nasikop ang suspek nga nailang si Alfred John Conde alyas “Intsik”, residente sa nahisgutan nga dapit.
Kinatibuk-ang 100 grams ang narekober gikan sa dinakpan nga mubalor ug kapin usa ka milyon ka pesos nga illegal nga druga ingon man ang buy-bust ug boodle money.
Gikumpiska sab sa otoridad ang motor sa suspek nga maoy gigamit sa illegal nga transaksiyon niini.
Anaa karun sa kustodiya sa kapulisan ang suspek ingon man ang mga illegal nga druga nga ipailalom sab sa eksaminasyon.
Mag-atubang ang nahisgutan ug kasong paglapas sa Republic Act 9165 o Comprehensive Dangerous Drugs Act of 2002.
