DAVAO CITY – Gikanayon ni Sta. Cruz Tourism Officer Julius R. Paner nga wala sumala pay climbers nga tugtan nga musaka sa Mt. Apo pagsulod sa bulan sa Hunyo hangtud na sa Agosto.
Subay sa PAMB (Protected Area Management Board) Resolution No. 06 sa Mt. Apo Protected Area kinahanglan nga sirad-an ang trails sa Regions 11 ug 12 pagsulod sa Hunyo hangtud Agosto aron nga mahatagan ug kahigayonan ang mga flora ug fauna nga managhan ug dili madisturbo sa nahisgutan nga panahon.
Kahinumduman nga Hulyo 2021 dihang gipalabang sa PAMB ang maong resolusyon nga nagkanayon nga tumong sa off-season nga mapangunahan ang pag-rehabilitate, paglambo sa public services, disaster risk prevention, biodiversity preservation ug mapalig-on ang law enforcement mechanisms.
Mahinungdanon sab sumala pa nga pasirad-an una ang Mr. Apo sulod sa tulo ka bulan arun nga makarekober sab ang mga trails ug campsites nga gigamit sa mga trekkers.
Gikanayong mikunsulta na sab karon ang local government unit (LGU) sa Sta. Cruz sa mga locals kinsa una na sab nga mihatag ug suporta sa maong lakang.
Kahinumduman nga dakong tabang pag-abli sa mga Mt. Apo sa mga nanimuyo duol sa lugar gumikan kay nakahatag kini ug panginabuhian kanila sama na lamang sa paghatag ug giya sa mga musaka ingon man magsilbi nga porters.
Kahinumduman nga gipasirad-an kaniadto ang Mt. Apo human nga miulbo ang kalayo sa peak sa bulkan kaniadtong Marso 2016 diin anaa sa 300 ngadto na sa 320 ka ektarya nga kasagbutan ang gilamoy sa kalayo.
