DAVAO CITY – Naglaum ang Mindanao Development Authority (MinDA) nga dungan sa pagpaluag o pagtangtang sa tanan nga mga coronavirus disease (COVID-19) restrictions sa siyudad, mapali-og pa ang lokal nga ekonomiya human ang duruha ka epekto nga gihatud sa pandemiya sa local industries.
Subay sa ulahing datus nga gipagula sa National Economic Development Authority (NEDA) sa milabay nga bulan sa Pebrero, ang Davao region nakatala ug P3.49 billion ka mga narehistro nga investments alang sa tuig 2021, o adunat 29.63% nga pag-ubos kung itandi sa P4.96 billion nga naaprubahan kaniadtong 2020.
Gikanayong usa sa gibasol sa pag-ubos sa investment mao ang kawad-on ug investment inflows sa mga key sectors sa rehiyon sama sa real estate, manufacturing, administrative and support service activities, electricity, gas, steam, ug air-conditioning supply, ingon man agriculture, forestry, ug fishing sa milabay nga tuig.
Nasayran sab sa NEDA-Davao nga adunay 11,871 workers nga nawad-an ug trabaho sa nakalabay nga tuig sanglit apektado sab ang operasyon sa mga kompanya gumikan sa pandemiya.
Naglaum karun si Montenegro nga paluagan na sab sa uban nga rehiyon ang ilang restrictions aron nga makabawi basta kay mutuman lamang sa minimum protocols sama sa pagsuod ug face masks pinasikad sa guidelines sa Inter-Agency Task Force for the Management of Emerging Infectious Diseases (IATF-MEID).
