DAVAO CITY – Posibleng ablihan na pagbalik ang Roxas Night Market kini homan nga gipailawom na sa mas luag nga restriction ang Davao City, gani gihisgutan na matod pa kini sa local nga panggamhanan sa Davao.
Sumala kang Dr. Michelle Schlosser, ang tigpamaba sa Davao City COVID-19 Task Force, giplastar na sa Business Bureau sa syudad ang maong plano subay usab sa guidelines ilawom sa alert level 1.
Niya pa nga tinguha sa LGU nga makabangon na ang ekonomiya sa syudad pero gihan-ay pa usab sa lokal nga panggamhanan ang sumbanan sa pagpatuman niini nga dili makompromiso ang seguridad sa panglawas sa publiko.
Kahinumdumang Marso 12, 2020 dihang gipasirado ang night market gumikan sa hulga sa COVID-19.
Gibana banaang mukabat sa 500 ka vendors og massage therapists ang nawad-an og panginabuhian sukad nga gipahunong ang operasyon niini gumikan sa pandemic.
