DAVAO CITY – Mihatag ug katin-awan si Davao City Overland Transport Terminal (DCOTT) head Aisa Usop nga dili pa mamahimong ipatuman karon sa bus operators ang full seating capacity sa mga biyahe sa bus bisan pa man nga mas luag na karon ang mga restrictions ilalom sa alert level 1.
Sumala pa kang Usop nga adunay mga lugar sa Davao region ug kasikbit nga mga lugar ang managlahi nga risk classification hinungdan nga usa kini sa mga gikonsidera.
Hinuon nangandam na matud pa karon ang DCOTT sa mas daghanan pa nga mga pasahero ilabi na nga adunay mga dagkong aktibidad nga isaulog sa mosunod nga mga bulan sama sa Holy Week break ug ang nagsingabot nga eleksiyon sa Mayo.
Sa kasamtangan, padayon sumala pa nila nga ipatiuman ang minimum public health standards ngadto sa pasahero sama na lamang sa pagsuot ug facemask, paghugas ug kamut diin kining tanan ang available sulod sa terminal.
Hugtanon sab karon nga gipatuman ang limitado seating capacity ug social distancing sulod sa mga pampasaherong bus.
