DAVAO CITY – Nagpadayon karon ang gihimong pagbakuna sa mga kabataan sa dakbayan nga nag-edad ug 5 ngadto 10 anyos batok Covid-19 ug gani miabot na sa 3,879 ka mga bata ang nabakunahan sukad February 25.
Mihatag sab ug katin-awan ang lokal nga kagamhanan nga wala minor de edad nga nabakunahan ang namatay human ang vaccination o nakaangkon ug grabe nga adverse effects.
Hinuon nakaisnate lamang ang mga pasyente ug minor adverse effects sama sa pagpanakit sa ilang kalawasan, pagpanakit sa area diin giturok ang bakuna ug kalintura.
Samtang laraw karon sa Davao City Covid-19 Task Force nga magh-abli ug siyam ka mga district vaccination sites sa dakbayan diin kalakip na niini ang SM Lanang Premier ug Ayala Abreeza Mall.
Lauman nnga ipatuman ang nahisgutan nga lakang sa higayon nga muabot na ang dugang supply sa bakuna nga nakasinate karun ug kalangan.
Sa kasamtangan upat sa siyam ka mga sites ang operational nga gilangkuban sa SM City Davao, GMall of Toril, F. Dizon Elementary School, ug Holy Cross of Calinan sa First, Second, ug Third Districts.
Ang nahisgutan nga vaccination sites ang ekslusibo lamang sa mga nag-edad ug 5-11 anyos.
